Санаи 18.06.2019 дар маҷлисгоҳи калони мақомоти иҷроияи ҳокимияти давлатии ноҳия таҳти раёсати роҳбари гурӯҳи короии Ҳукумати Ҷумҳурии Тоҷикистон Хоҷазода Ориф Ашӯрӣ – Раиси Кумиати давлатии идораи замин ва геодезии Ҷумҳурии Тоҷикистон ва Раиси ноҳияи Бобоҷон Ғафуров Зариф Назирӣ ситоди корӣ баргузор гардид. Дар корӣ ситод муовинони Раиси ноҳия, роҳбарони мақомоти ҳифзи ҳуқуқ, раисони ҷамоатҳо, роҳбарони воҳидҳои сохтории мақомоти иҷроияи ноҳия ва дигар фаъолони ноҳия иштирок карданд.

Барои қадршиносии хизматҳои арзанда дар соҳаи хизмати давлатӣ, фаъолгардонӣ ва баландбардории мақому манзалати омӯзгор ва махсусан занону духтарон дар ҷомеа, тарбияи насли наврасу ҷавон дар руҳияи ифтихори ватандорӣ, ноил гардидан ба дастовардҳои назарраси меҳнатӣ ва ба муносибати ба синни ниҳоии дар хизмати давлатӣ будани муовини раиси ноҳияи Бобоҷон Ғафуров – Малоҳат Бобозода дар маҷлисгоҳи мақомоти иҷроияи ҳокимияти давлатии ноҳия ҷамъомади хотирмон баргузор гардид.

Бо мақсади амалӣ гардонидани нақшаи чорабиниҳои фаъолияти гурӯҳҳои тарғиботӣ, ки аз тарафи Раиси вилояти Суғд муҳтарам Раҷаббой Аҳмадзода тасдиқ гардидааст, санаи 12 июни соли 2019 дар ҷамоатҳои Ғафуров, Овчиқалъача ва Ёваи ноҳияи Бобоҷон Ғафуров ҷамъомадҳо ташкил карда шуданд. Тибқи талаботи ҷадвали тасдиқгардида мулоқоту вохӯриҳо бо иштироки гурӯҳҳои тарғиботи мақомоти иҷроияи ҳокимияти давлатии вилояти Суғд ва ноҳияи Бобоҷон Ғафуров баргузор карда шуданд.