Точики (Точикистон)Russian (CIS)English (United Kingdom)
Дек16

Ҳамоиши фаъолони ноҳия ҷиҳати ҷонибдории лоиҳаи Қонуни Ҷумҳурии Тоҷикистон «Дар бораи асосгузори сулҳу ваҳдати миллӣ-Пешвои миллат»

E-mail Чоп PDF
There are no translations available.

     Санаи 15 декабри соли равон дар маркази ноҳияи Бобоҷон Ғафуров ҳамоиши фаъолони ноҳия ҷиҳати ҷонибдории лоиҳаи Қонуни Ҷумҳурии Тоҷикистон «Дар бораи асосгузори сулҳу ваҳдати миллӣ-Пешвои миллат» бо иштироки зиёда аз 1000 нафар ҷавонон ва зиёиёни ноҳия баргузор гардид. Дар ҳамоиши мазкур ҷавонон, фаъолон ва зиёиён қабули лоиҳаи қонуни номбурдаро бамаврид ҳисобида, ҷонибдорӣ намудаанд. Ҳамзамон оид ба Пешвои миллат эътироф гардидани Президенти мамалакат, Ҷаноби Олӣ, муҳтарам Эмомалӣ Раҳмон фикру андешаҳои худро баён доштанд.

     Ҳамоиш дар руҳияи баланди ватандӯстиву хештаншиносии фаъолону ҷавонон ва зиёиёни ноҳия ташкил ва дар сатҳи баланди сиёсӣ баргузор гардид.

 
Дек16

Мулоқоти раиси ноҳияи Бобоҷон Ғафуров Абдусамад Манонзода бо донишҷӯёни донишгоҳ ва донишкадаҳои вилояти Суғд

E-mail Чоп PDF
There are no translations available.

    Санаи 11 декабри соли равон дар асоси ҷадвали тасдиқгардидаи мақомоти иҷроияи ҳокимияти давлатии вилояти Суғд дар Муассисаи давлатии Қасри маданияти Арбоб мулоқоти раиси ноҳияи Бобоҷон Ғафуров Абдусамад Манонзода бо донишҷӯёни донишгоҳ ва донишкадаҳои вилояти Суғд баргузор гардид. Дар мулоқот зиёда аз 700 нафар донишҷӯён иштирок намуданд.

      Зимни суханронӣ раиси ноҳия оид ба муҳокима ва қабул шудани лоиҳаи Қонуни Ҷумҳурии Тоҷикистон «Дар бораи асосгузори сулҳу ваҳдати миллӣ-Пешвои миллат» аз тарафи мақоми олии қонунгузори кишвар ибрози ақида намуд, ки қабул гардидани қонуни мазкур мувофиқи мақсад мебошад.

    Сипас оид ба фаъолияти мақомоти иҷроияи ҳокимияти давлатии ноҳия, ҷойҳои холии корӣ, мактаби захираи кадрҳо, стипендияҳои раиси ноҳия, дастовардҳои маорифчиён, квотаҳои президентӣ маълумоти мухтасар пешниҳод карда шуд.

    Донишҷӯён бо раиси ноҳия гуфтугӯи кушоду озод барпо намуда, оид ба тартиби қабул шудан ба кор ба мақомоти иҷроия, зиёд намудани андозаи стипендияи раиси ноҳия, дастгирии молиявии ҷавонони ихтироъкору навовар, бунёди толори варзишгоҳҳо дар ҷамоатҳо саволҳо пешниҳод намуда, ҷавобҳои қаноатбахш гирифтанд.

     Дар охири мулоқот бо мақсади дастгирии донишҷӯёни фаъолу эҳтиёҷманд ба 50 нафар ба маблағи 100-сомонӣ кӯмаки яквақтаи раиси ноҳия тақдим карда шуд.

 
Ноя26

Ифтитоҳи варзишгоҳ ва толори варзишӣ

E-mail Чоп PDF
There are no translations available.

Санаи 24-уми ноябри соли равон бахшида ба Рӯзи Парчами давлатии Ҷумҳурии Тоҷикистон дар ҷамоати деҳоти Исмоили ноҳияи Бобоҷон Ғафуров варзишгоҳ ва толори варзишии хоҷагии ба ном Ҳамзалиев, ки солҳои тӯлонӣ аз фаъолият боз монда буд, бо мусоидати бахши ҷавонон, варзиш ва сайёҳии ноҳия аз нав барқарор гардид, ки дар маросими ифтитоҳи он муовини Раиси ноҳия Сатторзода Хуршед иштирок карда, аьли ҷамоатро аз номи Раиси ноҳия бо ифтитоҳи чунин толор ва варзишгоҳ ва Рӯзи Парчами давлатии Ҷумҳурии Тоҷикистон таҳният намуд.

Бояд зикр кард, ки толори варзишӣ ба талаботи замона мувофиқ буда, дорои лавозимотҳои варзишии ҳозиразамон мебошад ва аз ҷониби соҳибкори ҷавон Илмаминов Шӯҳрат бо харчи беш аз 40 000 доллари амрикоӣ таҷҳизонида шудааст.

Таъмири варзишгоҳ ва толори тариқи ҳашар аз ҷобини ҷавонони ҷамоат ба роҳ монда шуд.

 
Ноя25

Таҷлили Рӯзи Парчами давлатии Ҷумҳурии Тоҷикистон

E-mail Чоп PDF
There are no translations available.

Санаи 22-уми ноябри соли равон бахшида ба Рӯзи Парчами давлатии Ҷумҳурии Тоҷикистон дар ноҳияи Бобоҷон Ғафуров чорабинии оммавии роҳпаймоӣ бо иштироки 5000 аҳолии ноҳияи Бобоҷон Ғафуров ташкил ва гузаронида шуд. Роҳпоймоии мазкур бо иштироки Раиси ноҳия Абдусамад Манонзода, муовинони раиси ноҳия, роҳбарони мақомоти ҳифзи ҳуқуқ, раисони ҷамоатҳо ва роҳбарони дигар воҳидҳои сохтории мақомоти иҷроияи ҳокимияти давлатии ноҳия дар шоҳроҳи Ғафуров-Хуҷанд аз назди муҷассамаи ёдгории «Аскари номълум»-и ҷамоати шаҳраки Ғафуров оғоз гардида, то Амфитеатри Қасри Арбоб идома ёфт. Дар Афмитеатри Қасри Арбоб чорабинӣ бо садо додани Суруди миллӣ ва ва суханронии Раиси ноҳия оғоз шуд. Барои қироати Паёми табрикии Раиси вилояти Суғд Абдураҳмон Қодирӣ, сухан ба намояндаи мақомоти иҷроияи ҳокимияти давлатии вилояти Суғд – сардори Раёсати рушди иқтисод ва савдо Абдуллоев Шарифулло Бобоҷоноич дода шуд.

Баъди суханронии Раиси ноҳия ва намояндаи вилояти Суғд намоиши театркунонидашуда ва барномаи консертии бахши фарҳанги ноҳия пешкаши ҳамагон карда шуд. Сипас бахшида ба Рӯзи Парчами давлатии Ҷумҳурии Тоҷикистон мусобиқаи кушоди ноҳиявӣ оид ба гуштини камарбандӣ байни ҷавонону калонсолони ноҳияҳои наздисарҳадии Ҷумҳурии Тоҷикистон ва Ҷумҳурии Қирғизистон баргузор гардид, ки дар он зиёда аз 200 нафар варзишгарон аз шаҳру ноҳияҳои вилояти Суғд ва Ҷумҳурии Қирғизистон иштирок намуданд. Варзишгарон тибқи қоидаҳои Федератсияи гуштини қамарбандӣ дар 10 вазн қувваозмоӣ намуда, дар вазни аз 100 боло варзишгар аз ноҳияи Бобоҷон Ғафуров Бердиев Назир чемпиони мусобиқа гардид. Инчунин дигар ғолибони мусобиқа бо тӯҳфаҳои кумитаи тадорукоти мусобиқа сарфарозонида шуданд. (тӯҳфаҳо ба ҷои аввал 1 сар гусфанд, ба ҷои дуюм 1 сар буз, ба ҷои сеюм либоси варзишӣ)

Дар вазни мутлақ соҳиби шоҳзоиза насиби Аҳмадпаҳлавон аз шаҳри Исфараи вилояти Суғд гардида, бо як адад телевизиори плазмавӣ сарфароз гардонида шуд.

Мусобиқа бо ташаббуси бахши ҷавонон, варзиш ва сайёҳии ноҳияи Бобоҷон Ғафуров дар ҳамкорӣ бо ташкилоти Ҷамъиятии Ассотсиатсияи зиёиёни илмӣ-техникии Тоҷикистон ва бо дастгирии молиявии ташкилоти байналмилалии ЮНИСЭФ бо мақсади мустаҳкам намудани сулҳу дӯстӣ байни ҷавонони ноҳияҳои наздисарҳадии Ҷумҳурии Тоҷикистон ва Ҷумҳурии Қирғизистон, паст намудани сатҳи шиддатноки миёни ин ду минтақа, бо ҷалби ҷавонону наврасон ташкил ва баргузор карда шуд.

 
Сахифаи 106 аз 122

Раиси ноҳия

НАЗИРӢ ЗАРИФ

Ҳафтаномаи "Хуҷанд"


Сомонаҳои расмӣ

Кормандони мақомот

Ноҳия дар расмҳо

Ташрифоварандагон

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз3006
mod_vvisit_counterҲамин ҳафта9178
mod_vvisit_counterҲамин моҳ42603
mod_vvisit_counterҲамагӣ1997092

Дохилшавӣ ба қисми маъмурӣ

Дохилшавӣ ба қисми маъмурӣ

Ҷустуҷӯ