Меҳргон яке аз идҳои қадимаи мардуми ориёинажод буда, маҳз бо туфайли соҳибистиқлолии Тоҷикистон аз нав эҳё карда шуд ва тибқи Қонуни Ҷумҳурии Тоҷикистон «Дар бораи рӯзҳои ид» дар қатори дигар ҷашну идҳо ҳамчун иди миллии кишварамон шинохта шуд.. Ҳоло ҷашни Меҳргон ҳамасола дар шаҳру ноҳия, ҷамоату деҳот ва муассисаҳои таълимию фарҳангӣ бо фарогирии вижагиҳои худ, бо барномаҳои рангини суруду мусиқӣ, намоиш ва фурӯши маҳсулоти кишоварзию боғдорӣ, маснуоти дастии фарҳангию ҳунарӣ баргузор мешавад.

Зиҳӣ, Тоҷикистони азиз бо тирамоҳи заррину неъматҳои шаҳдбораш!

Дар доираи нақша - чорабиниҳои якҷояи Вазорати мудофиаи Ҷумҳурии Тоҷикистон бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Мақомоти иҷроияи ҳокимияти давлатии вилояти Суғд бахшида ба солгарди таҷлили ҷашни Истиқлоли давлатӣ аз санаи 27 то 29 августи соли 2024 дар шаҳру ноҳияҳои Хуҷанд, Бӯстон, Гулистон ва ноҳияи Б.Ғафурови вилояти Суғд ҳамоиши сарбозони ятими кулл аз ҳисоби қисмҳои ҳарбии шаҳру ноҳияҳои вилояти Суғд ташкил ва баргузор гардид.

Дар доираи баргузории ҳамоиш конфронсу мизҳои мудаввар, мулоқоту вохӯрӣ, чорабиниҳои фарҳангию фароғатӣ ва сайёҳат аз мавзеъи таърихии шаҳру ноҳияҳои вилояти Суғд доир карда шуд, ки ҳадаф аз баргузории чорабинӣ баланд бардоштани ҳисси худшиносиву худогоҳӣ, таҳкими ҳуввияти миллӣ, шиносоии хизматчиёни ҳарбӣ ва ба ҷо овардани қадршиносии сарбозон дар сафи Артиши миллӣ мебошад.

Имрӯз иштирокдорони ҳамоиш аз Осорхонаи ҷумҳуриявии академик Бобоҷон Ғафуров боздид намуда, сипосмандии самимии худро ба роҳбарият ва кормандони Осорхона барои ташкили сӯҳбату муарифномаи пурмазмун, ки ба ҳаёту фаъолияти Қаҳрамони Тоҷикистон, академик Бобоҷон Ғафуров бахшида шуда буд, баён намуданд.

Дар рафти баргузории чорабинӣ Генерал-майор, Раҳимзода Музаффар - муовини Вазири мудофиаи Ҷумҳурии Тоҷикистон, Иброҳимзода Амир - сардори Раёсати тарбияи ватандӯстии дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон, масъулони мақомоти маҳаллии ҳокимияти давлатии ноҳияи Бобоҷон Ғафуров ва кормандони Осорхона иштирок намуданд.

   Тибқи нақшаи кории Осорхонаи ҷумҳуриявии академик Бобоҷон Ғафуров дирӯз дар ноҳияи Деваштич ва шаҳри Истаравшан намоиши сайёри Осорхонаи ҷумҳуриявии академик Бобоҷон Ғафуров таҳти унвони «Марди накӯном» ташкил ва баргузор карда шуд. Намоиши сайёри аввал бо иштироки зиёди аҳли зиё, омзӯгорону табибон ва сокинони ноҳияи Деваштич баргузор гардид.

Кормандони масъули Осорхона дар асоси барномаи тарҳрезигардида назди иштирокдорони ҷамъомада бо маърӯзаҳо суханронӣ намуданд.

Дар навбати аввал котиби илмии Осорхона, номзади илмҳои таърих, ғафуровшинос, дотсенти кафедраи таърихи Донишгоҳи давлатии Хуҷанд ба номи академик Бобоҷон Ғафуров Шавкат Шарифов дар мавзӯи “Академик Аҳрор Мухторов - дастпарвари мактаби илмии академик Семенов А. ва Бобоҷон Ғафуров” маърузаи пурмазмун кард. Ҳамзамон мавсуф оид ба таърихи таъсиси Осорхонаи ҷумҳуриявии академик Бобоҷон Ғафуров, соли 2023 ба муносибати 115-солагии академик Бобоҷон Ғафуров аз таъмири хушсифат баромадани ин муассисаи фарҳангӣ ва бо иштироки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пардабардорӣ шудани муҷассамаи академик Бобоҷон Ғафуров дар саҳни бино, аз 17 гӯшаҳои алоҳида иборат будани дохили Осорхона ва ғайра маълумоти ҷолиб дод.

Номзади илмҳои филологӣ, муҳаррири Осорхона - Розиқҷон Муталлибов аз рӯи мавзӯи “Симои аллома Бобоҷон Ғафуров дар адабиёти бадеӣ” суханронӣ намуда, зикр дошт, ки алҳол зиёда аз 50 шеър фароҳам омадааст, ки дар онҳо заҳмати дар роҳи шинохти миллат ба харҷдодаи академик Бобоҷон Ғафуров инъикос гардидааст. Аз ҷумла аз навиштаҳои шоирон Лоиқ Шералӣ, Бозор Собир, Муҳтарам Ҳотам, Камол Насрулло, Аҳмадҷони Раҳматзод, Норинисо иқтибосҳо овард.

Корманди илмии Осорхона, унвонҷӯи Донишгоҳи Давлатии Хуҷанд Саидқул Маҳкамов дар мавзӯи “Инъикоси таърихи давлати Сомониён дар китоби “Тоҷикон”-и Бобоҷон Ғафуров” маъруза кард.

Дар рафти суханрониву муаърӯзаҳо кормандони Осорхона - Мунира Қурбонова ва Абдуллоҷон Ҳошимов бо истифода аз таҷҳизоти муосири техникӣ барои иштирокчиёни ҷамъомад суратгузориш ва кинофилмҳоро дар бораи академик Бобоҷон Ғафуров намоиш доданд.

Нимаи дуюми рӯз бо чунин тартиб намоиши сайёри Осорхона бо сокинони сершумори шаҳри Истаравшан ташкилу баргузор карда шуд.

Аз суханрониҳои муовини раиси шаҳри Истаравшан - Парвиз Зафарзода ва баёни сипосмандии дигар иштирокдорони ҷамъомадҳои ташкилшуда аён гардид, ки нақшаҳои тарҳрезишудаи кормандони Осорхона ҳадафрас таъмин гардиданд.

Мунира Қурбонова, корманди Осорхонаи ба номи академик Б.Ғафуров.

Ба ифтихори 27 – уми июн Рўзи Ваҳдати миллӣ дар мавзеи “Азизи дил”-и ҷамоати деҳоти Ғозиёни ноҳияи Бобоҷон Ғафуров, дар доираи нақша – чорабинии  Ҳаракати ҷамъиятии ваҳдати миллӣ ва эҳёи Тоҷикистон дар вилояти Суғд маҳфили “Адибони ваҳдатсаро” баргузор гардид.