Мулоқот бо сокинони маҳаллаҳои “Дӯстӣ”, "Баҳористон", "Ҷавғал", "Ҳавзаки боло", "Олимшайх", "Темурмалик", "Тоҷикистон", кӯчаҳои А.Саидов, Т.Қосимов, баргузор гардид. Ҳайати гурӯҳи тарғиботии ноҳия: Халифаёр Парвиз - мудири шуъбаи рушди иҷтимоӣ ва робита бо ҷомеаи дастгоҳи раиси ноҳияи Бобоҷон Ғафуров, Искандаров Фирӯз - сардори Раёсати Агентии меҳнат ва шуғли аҳолии ноҳия, Ҳоҷибоева Ӯғулой - мудири шуъбаи кор бо занон ва оила, Баҳодурзода Баҳриддин - мудири бахши кор бо ҷавонон ва варзиши ноҳия, Бобоҳоҷиев Шамс - намояндаи шуъбаи ноҳиявии КДАМ дар ноҳияи Бобоҷон Ғафуров, Хайрулло Сафаров - мудири бахш оид ба корҳои дин, танзими ҷашну маросими ноҳия, Ҷӯрабоева Матлуба муовини раиси ҷамоати деҳоти Хистеварз, нозири минтақавии милитсия бо мардуми ҷамъомада оид ба масълаҳои вазъи ташвишовари ҷаҳони муосир дар самти пешгирии шомилшавии шаҳрвандон, махсусан ҷавонону наврасон ба равияҳои ифротиву тундгаро, масъулияти волидайну омӯзгорон дар тарбияи дурусти кӯдакону наврасон, ҷиноятсодиркунӣ, тадриси ғайриқонунии динӣ, истифодаи нодурусти телефонҳои мобилӣ дар мавриди корбурд бо шабакаҳои иҷтимоии интернет, оқибатҳои харобиовари гирифторӣ ба равияҳои экстремистиву террористӣ, татбиқи амалии қонунҳои Ҷумҳурии Тоҷикистон дар бораи ӯҳдадориҳои ҳарбӣ ва хизмати ҳарбӣ, танзими ҷашну маросим ва масъулият барои таълиму тарбияи кӯдак, пешгирии муноқишаҳои оилавӣ, ҷалби бекорон ба шуғли пурмаҳсул ва дигар масъалаҳои мубрам бо мисолҳои воқеӣ суҳбату корҳои фаҳмондадиҳӣ доир карданд.

Ҳамзамон оид ба масъалаҳои маданияти истифодаи самараноки заминҳои кишоварзӣ, саҳмгузорӣ дар ҷамъоварии пахта ва саривақт анҷом додани шудгори заминҳои корами обӣ баҳри рӯёнидани ҳосили баландсифат дар соли минбаъда даъват ба амал оварда шуд.

Сурат гузориш аз рафти мулоқотҳо...

Дафтари матбуот ва иттилооти Мақомоти иҷроияи ҳокимияти давлатии ноҳияи Бобоҷон Ғафуров

    Боиси ифтихори мо, ҳар як сокини сарбаланди кишвар аст, ки бо пешниҳоди Асосгузори сулҳу ваҳдати миллӣ – Пешвои миллат, Президенти кишвар  муҳтарам Эмомалӣ Раҳмон 24-уми ноябр ҳамчун рӯзи Парчами давлатӣ қабул шудааст. Ҳадаф аз роҳандозии боз як ҷашнвораи давлатӣ эҳтиромгузорӣ ва қадршиносии Парчами миллӣ ҳамчун муқаддасот ва рамзи давлат унвон шудааст. Бар асоси ин пешниҳоди Пешвои миллат ба парлумон ба қонуни рӯзҳои ид иловаҳо ворид гардидааст ва тибқи он ҳар сол Рӯзи Парчам 24-уми ноябр таҷлил гирифта мешавад.

Парчами давлатии Ҷумҳурии Тоҷикистон рамзи истиқлолияти давлатии Ҷумҳурии Тоҷикистон мебошад. Ҳам акнун вазъи ҳуқуқӣ, тартиби омодасозӣ, андоза ва корбурди расмии Парчамро Қонуни Ҷумҳурии Тоҷикистон таҳти №254 аз 12-уми майи 2007 «Дар бораи рамзҳои давлатии Ҷумҳурии Тоҷикистон» муқаррар мекунад. Президенти Ҷумҳурии Тоҷикистон муҳтарам Эмомалӣ Раҳмон дар Паёми телевизионии худ ба муносибати “Рӯзи парчам” аз 23-юми ноябри соли 2010 рангҳои парчами миллиро «ифодагари роҳи таърихии халқи Тоҷикистон ва баёнгари арзишҳои фарҳанги миллӣ ва сиёсӣ» донист ва гуфт: ранги сурх – рамзи муборизаву ҷоннисории халқ барои озодӣ ва истиқлол, ранги сафед – нишони бахту саодат, умеду орзу, ранги сабз – нишонаи сарсабзиву шукуфоӣ, сарбаландиву хуррамӣ ва абадият мебошад.

Рангҳои парчам тасодуфан интихоб нашудаанд. Ҳар яки онҳо маънои амиқ дорад: ранги сурх рамзи ҷоннисориҳои миллат барои озодӣ, ранги сафед бахту иқболи сафед, сулҳ ва оромӣ, ранги сабз бошад сарсабзии кишвар мебошад.

Имрӯзҳо шаҳрвандони Тоҷикистон ҷашни муҳими давлатӣ - Рӯзи Парчамро ботантана таҷлил мекунанд. Ба гуфти президенти кишвар муҳтарам Эмомалӣ Раҳмон - парчам таҷассумгари таърихи куҳан, фарҳанги баланд, анъана ва урфу одатҳои мардуми тоҷик мебошад.

Бигзор Парчами Тоҷикистон доиман дар партави сулҳу субот парафшон  бошад.

С. Негматҷонова – мудири шуъбаи таблиғот ва иттилооти  КИ ҲХДТ дар ноҳияи Бобоҷон Ғафуров.

    Санаи 10 – уми декабри соли 1994 дар марҳилаи басо ҳассоси таърихӣ дар Ҷумҳурии Тоҷикистон ҳизби нави сиёсие ташкил шуд ва тавонист, ки дар давоми фаъолияти худ ба бонуфузтарин, нерӯмандтарин ва сераъзотарин ҳизби сиёсии мамлакат табдил ёбад. Ин нерӯи бузургу тавоно ва созанда Ҳизби Халқии Демократии Тоҷикистон, ки  соли равон 30- сола мешавад.

       16-уми ноябри соли 1994 – дар ин рӯзи тақдирсозу муайянкунандаи рушди минбаъдаи бомароми Тоҷикистон марҳилаи нави муҳими давлатӣ, яъне тибқи Конститутсияи давлати соҳибихтиёр дар Ҷумҳурии Тоҷикистон идоракунии президентӣ оғоз ёфта, Президенти тозаинтихобгардида ба иҷрои вазифа шурӯъ намудаанд.