Саноат

Дар доираи татбиқи нақшаи чорабиниҳои ноҳиявӣ оид ба эълон гардидани соли 2024 – Соли маърифати ҳуқуқи муовини раиси ноҳияи Бобоҷон Ғафуров Юсуфӣ А.М. бо сокионон ва фаъолони Ҷамоати деҳоти Ҳ.Усмонов мулоқот доир намуд.

Таъкид гардид, ки дар ҷаҳоне, ки фазояш зудтағйирёбандаасту ҳамарӯза дар гӯшае аз он амалҳои ғайриқонуниву ғайриинсонӣ рух медиҳад, ҳифз намудани давлату миллат аз ҳар гуна хатарҳои геополитикӣ, таъмини ҳуқуқу озодиҳои инсон ва шаҳрванд масъулияти басо мушкилу мураккаб аст. Ҳамин аст, ки дар заминаи Конститутсияи Ҷумҳурии Тоҷикистон қонунҳои конститутсионӣ ва дигар санадҳои меъёрӣ-ҳуқуқӣ, ки ҳадафи онҳо мустаҳкам намудани рукнҳои давлатдорӣ, танзими ҳуқуқии паҳлӯҳои гуногуни ҳаёти сиёсию иқтисодӣ, иҷтимоию фарҳангии ҷомеа ва давлат мебошанд, қабул гардидаанд.

Дар ҷаҳони имрӯз дар баробари терроризму эстремизм, гардиши ғайриқонунии маводи мухаддир ва дигар таҳдидҳои геополитикӣ, савдои одамон низ мушкилоти нигаронкунанда мебошад. Масъалаҳои марбут ба савдои одамон дар шароити имрӯза таҳти таваҷҷуҳи ҷиддии ҷомеаи ҷаҳонӣ қарор дорад, зеро он ҳамчун зуҳуроти манфӣ ба паҳлуҳои гуногуни ҳаёти ҷомеаи инсонӣ зарари ҷуброннопазир мерасонад.

Дар ин марҳила, гӯруҳҳое фаъоланд, ки тавассути шабакаҳои интернетӣ ва дигар воситаҳо имрӯз низ идеяҳои ҷинояткоронаро бо роҳи фирефтасозӣ дар афкори мардум ҷой доданӣ мешаванд. Маҳз, дониши баланди сиёсӣ, маърифати ҳукуқӣ, ҷаҳонбинии васеъ ва огоҳ будан аз равандҳои ҷаҳонӣ, ки дар маҷмуъ зиракии сиёсӣ мебахшад, метавонад хатари ба доми ҳар гуна идеяҳои номатлуб афтоданро коҳиш диҳад.

Дар раванди имрӯзаи ҷаҳонишавӣ, ки ҳама гуна андешаву идеология метавонад ба ҳаёти ҳар фард таъсири манфӣ расонад, танҳо бо такя ба имконоту иқтидори давлат ва иродаи мустаҳками мардум, метавон пеши ҷараёнҳои номатлуб ва амалӣ шудани нақшаҳои нопоки гурӯҳҳои ҷиноятпешаро гирифт.

Мулоқоти навбатии гурӯҳи тарғиботӣ бахшида ба эълон гардидани "Соли 2024 Соли маърифати ҳуқуқӣ" бо сокинони деҳоти Мирзоработ ва Некроҳ вобаста ба риояи қатъии танзими ҷашну маъракаҳо ва фаҳмонидани муҳтавои қонунҳои амалкунандаи Ҷумҳурии Тоҷикистон, захираҳои хӯрокворӣ барои зимистонгузаронӣ, самаранок истифодабарии заминҳои наздиҳавлигӣ, ободу тоза намудани маҳалли зист, ҳунарманд намудани ҷавондухтарон, пешгирии шомилшавии сокинон ба равияҳои террористиву экстремистӣ, бегонапарастӣ, ҷудошавии оилаҳои ҷавон ва дигар муаммоҳои ҷойдоштаи маҳал ташкилу баргузор карда шуд.

   Дирӯз дар доираи эълон гардидани "Соли 2024 Соли маърифати ҳуқуқӣ" Дилором Турсунзода, муовини раиси ноҳияи Бобоҷон Ғафуров дар маҳаллаи "Навбаҳор" ва "Тоҷикистон"-и ҷамоати деҳоти Зарзамин вобаста ба захираҳои хӯрокворӣ барои зимистонгузаронӣ, самаранок истифодабарии заминҳои наздиҳавлигӣ, ободу тоза намудани маҳалли зист, ҳунарманд намудани ҷавондухтарон, пешгирии шомилшавии сокинон ба равияҳои террористиву экстремистӣ, бегонапарастӣ, ҷудошавии оилаҳои ҷавон, риояи қатъии танзими ҷашну маъракаҳо ва фаҳмонидани муҳтавои қонунҳои амалкунандаи Ҷумҳурии Тоҷикистон бо сокинон суҳбат намуд.

Инчунин Ӯғулой Ҳоҷибоева, мудири шӯъбаи кор бо занон ва оилаи ноҳия масъалаҳои болозикрро бо далелҳои муътамад шарҳ дода, даъват ба амал овард, ки занон чун бо донишу хиради воло ва сарфаву сариштакорӣ ба масъалаҳои матраҳшуда муносибати ҷиддӣ дошта бошанд.  Ҳамзамон дар мулоқот сармутахасиси шуъбаи кор бо занон ва оила ва масъулини ҷамоат ва деҳаю маҳаллаҳо иштирок ва ибрози андеша намуданд. Дар идома аъзоёни гурӯҳи корӣ аз шуғли занону бонувони хонашин ва ҷавондухтарон дар давраи таътили тобистона боздид ба амал оварданд.

Дафтари матбуоти Мақомоти иҷроияи ҳокимияти давлатии ноҳияи Бобоҷон Ғафуров