Ба таъсисёбии ҳафтаномаи «Хуҷанд» - нашрияи расмии Мақомоти иҷроияи ҳокимияти давлатии ноҳияи Бобоҷон Ғафуров 89 сол пур шуд. Ин нашрияи бонуфуз 3 –уми августи соли 1933 таъсис дода шудааст. Иҷмолан таърихи рӯзномаро ин ҷо бихонед…
Равзанаи дирЎзу имрЎз...
"Рӯзномаи ҳар қавм ва миллат забони эшон аст. Қавме, ки рӯзнома надорад, гӯё, ки забон надорад. Яъне қавми бе рӯзнома мисли одами безабон аст".
Садриддин Айнӣ
- Инсон бояд дар масири ҳаёт бо рафтор, гуфтор, пиндори хеш комилсифат бошад, бо меҳнати ҳалол ва номи нек дар дилу дидаи мардум ҷойгузин гардида, соҳибэҳтиромиро соҳиб бошад. Яке аз чунин инсонҳои комил, ки саодати ҳаёти худро дар хизмати халқу Ватан ва ободии диёр медонист, имрӯз ёди ӯро бо ифтихормандиву накӯӣ вирди забон меорем, Шавруқов Абдулҳамид Юлдошевич мебошад, - зикр дошт, Ҳасанҷон Каримов, раиси Шӯрои Ташкилоти ҷамъиятии Иттифоқи собиқадорони ҷанги Афғонистон дар ноҳияи Бобоҷон Ғафуров, зимни суханронӣ дар ҳавлии шодравон ҷанговар - интернатсионалист, маросими гузоштани лавҳаи ёдгорӣ дар деҳаи Оҳучашмаи ҷамоати Исмоил.
Дар хусуси лоиҳаи ёддоштҳои табодулӣ дар мавриди амалисозии Барномаи муштараки СММ оид ба Ташаббуси "Нури рӯшноӣ " вобаста ба таъмини иҷрои қарори Ҳукумати Ҷумҳурии Тоҷикистон аз 24.майи соли 2021, таҳти рақами 186 дар ҳамкорӣ бо ТҶ "АФИФ" маркази занон "Гулрухсор" ҳамзамон ҷиҳати амалишавии бандҳои нақша чорабинии "Барномаи давлатӣ оид ба пешгирии зӯроварӣ дар ҶТ барои солҳои 2014-2023" дар мавзӯи "Мо зидди зӯроварӣ " дар толори ҷамоати деҳоти Хистеварз Аксияи иттилоотӣ баргузор гардид. Дар чорабинӣ зиёда аз 150 нафар аз ҷумла занони маюбиятдошта иштирок намуданд. Иштирокчиёни дар викторина фаъолона ширкат варзида, ғолибон бо тӯҳфаҳои хотиравӣ қадрдонӣ карда шуда ба ҳамаи иштирокдорон дар 3 намуд 500 варақаҳои иттилоотӣ тақсим карда шуданд.
Дар ҷамъбасти чорабинӣ мудири шӯъбаи кор бо занон ва оилаи ноҳия Ӯғулой Ҳоҷибоева сухан карда ба ҳозирон барои иштироки фаъолонаашон арзи сипос намуд ва даъват намуд, ки «дар якҷоягӣ метавонем ин падидаи номатлубро дар байни ҷомеа аз байн бурда бошем.» Мавсуф ба иштирокдорон зиндагии бо меҳру муҳаббат ва оилаи аҳлу тифоқро таманно намуд.
 |
 |
 |
 |
 |