Ифтитоҳи майдончаи варзишӣ дар деҳаи Сойча
Бахшида ба таҷлили 30-солагии Истиқлолияти давлатии Ҷумҳурии Тоҷикистон ва Наврӯзи байналмилал дар деҳаи Сойча, маҳаллаи Чилламазори ҷамоати деҳоти Ёва бо дастгирии Ҷӯрабоев Муҳаммадҷон - мураббии каратэ - до, дорандаи камарбанди сиёҳ - 1, устоди варзиши Ҷумҳурии Тоҷикистон, майдончаи варзишӣ сохта ва ба истифода дода шуд.
Дар маросими кушодашавии он вакилони Маҷлиси намояндагони Маҷлиси Олии Ҷумҳурии Тоҷикистон Мирзозода Мавлудахон Зайнӣ ва Маҳмудзода Музаффар, муовини раиси ноҳия Дилором Турсунзода, раиси КИ ҲХДТ дар ноҳияи Б.Ғафуров Анварзода Амирҷон, мудири бахши кор бо ҷавонон ва варзиши ноҳия Дилшод Давронзода ва раиси ҷамоати деҳоти Ёва Икромҷон Раҳматов иштирок намуданд.
Зимни суханронӣ аз оммавигардонии варзиш, тарзи ташаккули ҳаёти солим, аз муҳиммияти варзиш, варзиш гарави саломатӣ, таҳкими дӯстӣ ва муаррифии варзишгарони болаёқат, Ҷалби ҷавонону наврасон ба варзиш таъкид гардида, ба дастгирии ташаббускорон ҷиҳати сохта ба истифода додани чунин майдончаҳои варзишӣ, изҳори сипосмандӣ гардид.
