Мақомоти иҷроияи ҳокимияти давлатии ноҳияи Бобоҷон Ғафуров

Омӯзиш

      Дар асоси нақшаи чорабиниҳои асосӣ оид ба масъалаҳои мудофиаи гражданӣ, пешгирӣ, эътино ва рафъи ҳолатҳои фавқулодда барои соли 2024, ки аз ҷониби Сардори мудофиаи гражданӣ - Раиси Ҳукумати Ҷумҳурии Тоҷикистон муҳтарам Эмомалӣ Раҳмон аз 17 январи соли 2024 тасдиқ шудааст, чанде қабл дар ноҳияи Бобоҷон Ғафуров машқи мукаммали мудофиаи гаржданӣ дар мавзӯи «Амали ҳайати роҳбарикунанда, қувва ва воситаҳои ноҳия ҳангоми ба амал омадани ҳолатҳои фавқулодда» баргузор гардид.

Чорабинии омӯзишӣ якҷо бо намояндагони Кумитаи ҳолатҳои фавқулоддда ва мудофиаи граждании назди Ҳукумати Ҷумҳурии Тоҷикистон ва роҳбарияти Мақомоти иҷроияи ҳокимияти давлатии ноҳия ташкил ва гузаронида шуд.

Дар доираи машқ дар шаҳраки Сайҳуни ҷамоати деҳоти Дадобой Холматов тоза кардани селроҳа ва барқарор намудани садди роҳи муҳофизатӣ дар ҳаҷми зиёда аз 4000м3 гузаронида шуд. Инчунин амали қувва ва воситаҳо ҷиҳати иҷрои вазифаҳои худ дар самти ҳифзи аҳолӣ аз ҳолати фавқулодда дар маҳаллаи “Ваҳдат”- и ҷамоати шаҳраки Ғафуров бо иштироки сершумори сокинони маҳал доир карда шуд

 Дафтари матбуот ва иттилооти Мақомоти иҷроияи ҳокимияти давлатии ноҳияи Б.Ғафуров

    Масъалаҳои риояи Қонунҳои Ҷумҳурии Тоҷикистон "Дар бораи масъулияти падару модар дар таълиму тарбияи фарзанд", "Дар бораи танзими анъана ва ҷашну маросимҳо дар Ҷумҳурии Тоҷикистон" Тарбияи ватандӯстии шаҳрвандон", тарғибу ташвиқи эҳёи либосҳои миллӣ, пешгирии пошхӯрии оилаҳои ҷавон, ҷалби духтарон ба зинаи сеюми таҳсил ва касбомӯзӣ, оид ба одобу ахлоқи ҳамидаи духтарон, омода намудани ҷавонон ба оиладорӣ, маърифати дуруст истифода бурдани телефонҳои мобилӣ ва дигар масъалаҳои мубрами рӯз дар мулоқот баррасӣ гардиданд.

Мулоқоти навбатии гурӯҳи тарғиботии мақомоти иҷроияи ҳокимияти давлатии ноҳияи Бобоҷон Ғафуров бо сокинони маҳаллаи "Зархоки поин"-и ҷамоати деҳоти Исфисор баргузор гардид.

Акбар Юсуфӣ - муовини раиси ноҳия, Қосимҷон Холов, намояндаи Кумитаи давлатии амнияти Ҷумҳурии Тоҷикистон дар ноҳияи Бобоҷон Ғафуров, Фирӯз Искандаров сардори Раёсати Агентии меҳнат ва шуғли аҳолӣ, Баҳриддин Баҳодурзода - мудири бахши ҷавонон ва варзиши ноҳия, Болтубой Юлдошев - намояндаи кумиҷроияи ноҳиявии ҲХДТ, Гулмира Бобоева - раиси ҷамаоти деҳоти Исфисор оид ба масъалаҳои ифротгароӣ ва паёмадҳои нохуши он, экстремизму терроризм, гаравидани бархе аз ҷавонон ба ҳизбу ҳаракатҳои тундрав, баланд бардоштани маърифати ҳуқуқӣ омили пешрафти ҷомеа, риояи Қонуни ҶТ “Дар бораи танзими анъана ва ҷашну маросимҳо дар Ҷумҳурии Тоҷикистон”, “Масъулияти падару модар дар таълиму тарбияи фарзанд” роҳ надодан ба фарҳанги либоспӯшии бегона, баланд бардоштани худшиносӣ, арзишҳои миллӣ ва ҳувияти ватандорӣ, варзиш омили муттаҳидӣ, ҷалби ҷавонон ба варзиш, созмони ҷойҳои нави корӣ ва дар ин замина таъмини сокинони маҳаллӣ бо ҷойи кори доимӣ ва дигар масоили муҳими иҷтимоӣ ибрози назар намуданд.

Дафтари матбуот ва иттилооти Мақомоти иҷроияи ҳокимияти давлатии ноҳияи Бобоҷон Ғафуров

Бахшида ба “Соли маърифати ҳуқуқӣ” тибқи нақшаи мақомоти иҷроияи ҳокимияти давлатии ноҳияи Бобоҷон Ғафуров дар муассисаи таҳсилоти миёнаи умумии рақами 15 - и ҷамоати деҳоти Унчӣ, мулоқоти Дилором Турсунзода, муовини раиси ноҳия бо омӯзгорон ва волидайни толибилмони муассисаи мазкур баргузор гардид.

Дар мулоқот масъалаҳои татбиқи қонунҳои миллии Ҷумҳурии Тоҷикистон дар самти иҷтимоӣ, зуҳуроти номатлуб ва паёмадҳои манфии он, мавқеи занон дар ҷомеа ва амалишавии стратегия ва барномаҳои давлатӣ дар баланд бардоштани мақому манзалати занону бонувони тоҷик, тарбия ва татбиқи Консепсияи миллии тарбия дар соҳаи маориф, интизоми меҳнат, маърифати оиладорӣ,  либоспӯшӣ, ҳифзу гиромидошти фарҳангии миллӣ, пешгирии пайравии занону бонувон ба фарҳанги либоспӯшии бегона, сарфаю сариштакорӣ, роҳ надодан ба зиёдаравию исрофкорӣ ва масъалаҳои дигари умда мавриди баррасӣ қарор гирифтанд. Инчунин дар вохӯрӣ Ӯғулой Ҳоҷибоева, мудири шуъбаи кор бо занон ва оилаи ноҳия ва Ибодат Мирпочоева, мушовири шуъбаи маориф иштирок ва суханронӣ намуданд.

Дафтари матбуот ва иттилооти Мақомоти иҷроияи ҳокимияти давлатии ноҳияи Бобоҷон Ғафуров