Музокироти Тоҷикистону Қирғизистон оғоз шуд
Дар пасманзари ноором шудани вазъ дар марзи Қирғизистону Тоҷикистон барои ба эътидол овардани вазъ дар дидбонгоҳи гумрукии "Равод" гуруҳҳои корӣ вориди гуфтушунид шуданд.Ҷониби Тоҷикистонро Раиси КДАМ ҶТ генерал-полковник Саймуъмин Ятимов ва ҷониби Қирғизистонро Қамчинбек Ташиев раиси КДАМ-и ин кишвар роҳбарӣ намуданд. Дар мулоқот ҳамзамон Вазирони корҳои дохилии ду кишвар,
раисони вилояти Суғди Тоҷикистон ва вилояти Ботканди Қирғизистон ширкат варзиданд.
Зимни гуфтушунид ҷонибҳо аз зарурати эълони оташбас изҳори назар намуданд.
Ба муносибати таҷлили 31 – солагии Истиқлоли давлатии Ҷумҳурии Тоҷикистон бо ташаббуси Мақомоти иҷроияи ҳокимияти давлатии ноҳияи Бобоҷон Ғафуров озмуни ноҳиявии «Хонаи беҳтарин», «Кӯчаи беҳтарин», «Деҳаи беҳтарин», «Барои ташаббусҳои шаҳрвандӣ» баргузор гардид. Тибқи натиҷаи комиссияи ноҳиявӣ хонаи Асатулло Ҳабибуллоев, - сокини ҷамоати деҳоти Зарзамин, кӯчаи ба номи Эркаш Юсупов№44, дар номгӯи «Хонаи беҳтарин» ғолиб дониста шуда, бо диплом ва мукофотпулӣ дар ҳаҷми 3000 сомонӣ сарфароз гардонида шуд. Кӯчаи ба номи Абдуғаффор Ҳасанови ҷамоати деҳоти Хистеварз барои ишғоли ҷойи якум дар озмуни ноҳиявии «Кӯчаи беҳтарин» бо диплом ва мукофотпулӣ ба маблағи 5000 сомонӣ, деҳаи «Мусаффо» - и ҷамоати деҳоти Унҷӣ дар номгӯи «Деҳаи беҳтарин» ба маблағи 5000 сомонӣ ва шаҳраки Ғафуров дар номгӯи «Барои ташаббусҳои шаҳрвандӣ» ба маблағи 2000 сомонӣ ғолиб дониста шуда, бо диплом ва маблағҳои пулӣ сарфароз гардонида шуданд.
