Бо мақсади шиносоии наздик аз вазъи зисту зиндагонии сокинони деҳоти дурдаст Раиси ноҳияи Бобоҷон Ғафуров Давлатзода Зафарбек ба деҳаи Заркони деҳоти Исмоил ташриф оварда, дар чорабиниҳои наврӯзии мардуми деҳа иштирок намуд. Дар ин рӯз мактаби деҳа, ки солҳои тӯлони ба таъмир ниёз дошт, баъди таъмири хушсифат азнав мавриди баҳрабардорӣ қарор гирифт. Раиси ноҳия мардуми ҷамъомадро ба муносибати Иди байнаалмилалии Наврӯз шодбош гуфта, корҳои аёдатии пирони рӯзгордидаро баргузор намуд.

Дар қасри фарҳанги маркази деҳоти Исмоил – деҳаи Сомғор Рӯзи қабули шаҳрвандонро доир намуда, бо таҳлили вазъи иқтисодиву иҷтимоии Ҷамоати деҳоти Исмоил ҷиҳати рушди минбаъдаи деҳоти дурдасти ноҳия ба масъулони мақомоти иҷроияи ҳокимияти давлатии ноҳия ва кормандону вакилони Ҷамоат дастуру тавсияҳои судманд баён карда шуд.

Ба муносибати Рӯзи кормандони мақомоти прокуратура дар маҷлисгоҳи прокуратураи ноҳияи Бобоҷон Ғафуров маҷлиси тантанавӣ баргузор гардид.

Раиси ноҳияи Бобоҷон Ғафуров Давлатзода Зафарбек зимни суханронӣ баён дошт, ки мақомоти прокуратура яке аз сохторҳои муҳими низоми давлатдорӣ ба шумор рафта, дар таъмини волоияти қонун, таҳкими қонуният ва тартиботи ҳуқуқӣ бо мақсади ҳифзи Истиқлолият ва соҳибихтиёрии кишвар, ҳуқуқу озодиҳои инсон ва шаҳрванд нақши намоён дорад.

Маҷлиси ҷамъбастии Кумитаи иҷроияи Ҳизби Халқии Демократии Тоҷикистон дар ноҳияи Бобоҷон Ғафуров дар толори маҷлисгоҳи МИҲД-и ноҳия доир гардид. Дар кори ҷаласа Раиси ноҳия Давлатзода Зафарбек, Раиси Кумитаи иҷроияи  Ҳизби Халқии Демократии Тоҷикистон дар вилояти Суғд Исмоилзода Зуфар Муртазохон ва раиси КИ ҲХДТ дар ноҳияи Бобоҷон Ғафуров Анварзода Амирҷон иштирок намуданд. Инчунин дар маҷлиси ҷамъбастӣ раисони кумитаҳои иҷроияи ибтидоӣ, ташкилотҳои  ибтидоӣ, вакилон, аъзоёни Шӯрои собиқадорон, аъзои Шӯрои занон ва ҷавонон, роҳбарони  корхонаю  муассисаҳо ва фаъолони ҳизб  низ ширкат варзиданд.

 Дар толори Мақомоти иҷроияи ҳокимияти давлатии ноҳияи Бобоҷон Ғафуров маҷлиси Кумитаи иҷроияи Ҳизби Халқии Демократии Тоҷикистон (ҲХДТ) баргузор гардид, ки ҳадафи асосии он ҷамъбасти фаъолияти ташкилотҳои ибтидоии ҳизбӣ дар нимсолаи аввали соли 2025 ва муайян кардани вазифаҳои минбаъда буд.

   Дар маҷлис муовини Раиси КИ ҲХДТ дар вилояти Суғд Фирдавс Салимов, муовини аввали Раиси ноҳия Абдуаҳад Ҳакимзода, роҳбарияти ҳизби ноҳиявӣ ширкат доштанд. Инчунин, собиқадорони ҳизб, вакилони Маҷлиси вакилони халқ ва намояндагони расонаҳо ба ин чорабинӣ даъват шуда буданд.

    Раиси Кумитаи иҷроияи ҲХДТ дар ноҳия Сайёрахон Акпархоҷаева  дар гузориши худ таъкид кард, ки фаъолияти ҳизбиён дар ин давра дар асоси Оиннома ва Барномаи ҲХДТ, инчунин дастурҳои Анҷумани XV ҲХДТ ва дастуру супоришҳои сохторҳои дахлдор сурат гирифтааст. Шиори "Барои пешрафт ва саодати халқи Тоҷикистон" ҳамчун меҳвари асосии кори ҳизбиён қарор дошта, онҳо дар таъмини рушди устувори мамлакат ва беҳтар кардани сатҳи зиндагии аҳолӣ саҳми назаррас гузоштанд.

    Дар рафти музокира масъулин барои татбиқи дастуру супоришҳои Пешвои миллат, Раиси муаззами ҲХДТ муҳтарам Эмомалӣ Раҳмон дар бораи таҷлили сазовори 35-солагии Истиқлоли давлатӣ, вазифаҳои мушаххас гузоштанд. Муовини Раиси КИ ҲХДТ дар вилояти Суғд Салимов Фирдавс ба аҳамияти ҷалби ҷавонону занон ба сафи ҳизб таваҷҷуҳ зоҳир намуда, онҳоро ояндаи давлат номид.

    Дар хотимаи ҷаласа, ба раисони якчанд ташкилотҳои ибтидоӣ барои фаъолияти босамарашон дар маъракаи обуна Сипосномаҳо супорида шуд. Инчунин, ба ҷавононе, ки нав ба сафи ҲХДТ пайвастанд, шаҳодатномаҳои ҳизбӣ тақдим гардид.

    Ин маҷлис бо қабули қарорҳои муҳим ва тасдиқи нақшаи корӣ барои нимсолаи дуюми соли 2025 ба кори худ хотима бахшид.