_{Дар тарабхонаи “Гулистон”- и ҷамоати деҳоти Хистеварз бо иқдоми Мақомоти иҷроияи ҳокимияти давлатии ноҳияи Бобоҷон Ғафуров бахшида ба Рӯзи байналмилалии ҳифзи кӯдакон чорабинии тантанавӣ баргузор гардид.  Дилором Турсунзода, муовини Раиси ноҳия бо сухани муқаддимавӣ кулли кӯдакону наврасонро бо ин рӯзи шодиву нишот муборакбод намуда, Паёми табрикии раиси ноҳия Нусратулло Салимзодаро ба саъми ҳозирин расонид. Ҳамчунин дар чорабинӣ Амирҷон Анварзода, Раиси Ҳизби Халқи Демократии Тоҷикистон дар ноҳияи Бобоҷон Ғафуров, Манзура Олимова, мудири шуъбаи маорифи ноҳия, Матлуба Ҷӯрабоева, раиси ҷамоати деҳоти Хистеварз ва дигар намояндагон иштирок доштанд.}

_{Дар ин рӯз  ба 100 нафар кӯдакони ятим ва маъюб дастурхони идона ороста шуда, туҳфаи яквақтинаи Раиси ноҳия супорида шуд. Дар як навбат наврасон изҳори сипосмандии хешро ба давлату ҳукумат, махсусан Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, роҳбарияти Мақомоти иҷроияи ҳокимияти давлатии вилояти Суғду ноҳияи Бобоҷон Ғафуров расониданд.}

_{Кибриё Исобоева, хабарнигори “Хуҷанд”}

- Дар дафтари хотирам аз ҷумлаи чандин таъкиду суханрониву дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иқтибосе сабт шудааст: “Ман ҳамеша ифтихормандам, ки маҳз аз минбари баланди Қасри овозадори “Арбоб” ба арсаи сиёсати бузург ворид гардидам ва тамоми мардуми Тоҷикистон имрӯз Қасри маданияти “Арбоб”-и таърихиро ба хотири сулҳу ваҳдат ва осоиштагии кишварамон ҳамчун макони муқаддас гиромӣ медоранд ва ҳамеша онро ба унвони сарчашмаи ваҳдати миллии халқи Тоҷикистони соҳибистиқлол ёд мекунанд” – ин суханони пурмеҳру саодатбори Сарвари давлатамон маро ҳамчун як тан аз фарзанди ин сарзамини кишвари офтобиамон ба азму суботи тоза ба тоза ҳидоят мекунанд, - гуфт дар суҳбат Абдузафар Иномов – директори МДВ “Қасри маданияти Арбоб”.

Мутобиқ ба тағйиру иловаҳо ба Қонуни Ҷумҳурии Тоҷикистон «Дар бораи рӯзҳои ид» (аз 23.12.2021с., №1819) имсол бори нахустин санаи 24 октябр Рӯзи иттифоқҳои касаба таҷлил карда мешавад.

“Иттифоқҳои касаба ҳамчун ташкилоти оммавӣ вазифадоранд, ки рисолати хешро дар ҳифзу ҳимояи дастовардҳои истиқлоли давлатӣ, таҳкими сулҳу субот дар саросари кишвар, ваҳдати миллӣ, ҳифзи манфиатҳои иҷтимоиву иқтисодии аъзои иттифоқи касаба ва фароҳам овардани шароити арзандаи зиндагӣ барои ҳар як корманд анҷом диҳанд”.

Эмомалӣ РАҲМОН