Гуруҳи тарғиботии Мақомоти иҷроияи ҳокимияти давлатии ноҳияи Бобоҷон Ғафуров дар ҳайати мудири шуъбаи рушди иҷтимоӣ ва робита бо ҷомеаи дастгоҳи раиси ноҳия Халифаёр Парвиз, мудири шуъбаи кор бо занон ва оила Ҳоҷибоева Ӯғулой, мудири бахши кор бо дин, танзими анъана ва ҷашну маросими ноҳия Темиров Улуғбек, сардори раёсати Агентии менат ва шуҳли аҳолӣ дар ноҳия Искандаров Фирӯз, намояндаи кумиҷроияи ноҳиявии ҲХДТ Солиева Муяссара, намояндаи шуъбаи ноҳиявии КДАМ Каримов Комил, нозирони минтақавии ШВКД дар ноҳия ва роҳбарияту масъулони Ҷамоати деҳоти Ғозиён бо сокинони деҳоти Каҳрамонони ҷамоати Ғозиён мулоқот ва корҳои фаҳмондадиҳӣ доир намуданд.

Тарғиботчиён зимни мулоқотҳо бо ёдрасӣ аз эълон гардидани соли 2024 - Соли маърифати ҳуқуқӣ доир ба муҳтавои мулоқоти Президенти Ҷумҳурии Тоҷикистон бо фаъолон, намояндагони ҷомеа ва ходимони дини кишвар (09.03.2024) оид ба масъалаҳои падидаҳои номатлуби ҷомеа, пешгирии шомилшавии ҷавонон ба равияҳои экстремистию террористӣ, тадриси ғайрирасмии динӣ, хушунати хонаводагӣ, ҷудошавии оилаҳои ҷавон, ҷиноятсодиркунӣ, нашъамандию нашъаҷаллобӣ, оқибатҳои харобиовари даст задан ба амалҳои коррупсионӣ, риояи меъёрҳои муқарарраргардидаи баргузории ҷашну маросимҳои миллӣ, фарҳанги либоспушии миллии занону бонувон ва дигар масъалаҳои мубрами рӯз суханронӣ намуданд.

Дафтари матбуот иттилоотӣ Мақомоти иҷроияи ҳокимияти давлатии ноҳияи Б.Ғафуров

Имрӯз дар шаҳри Хуҷанд Форуми занони Тоҷикистону Чин таҳти унвони «Ҳамкории занон дар чаҳорчӯбаи ташаббуси «Як камарбанд — як роҳ» ба кори худ оғоз намуд.

Форум бо иштироки муовини Сарвазири Ҷумҳурии Тоҷикистон Дилрабо Мансурӣ, Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода, муовини Раиси вилояти Суғд Зайнура Азимӣ, меҳмонони олиқадри Ҷумҳурии Мардумии Чин, фаъолони шаҳру ноҳияҳои вилояти Суғд дар Театри давлатии Камоли Хуҷандии вилояти Суғд оғоз гардид.

Гуфта шуд, ки Ҷумҳурии Мардумии Чин дар сиёсати хориҷии Ҷумҳурии Тоҷикистон мақоми намоён дошта, заминаи меъёрӣ-ҳуқуқии муносибатҳои байнидавлатиро зиёда аз 200 санади ҳамкорӣ ташкил медиҳад.

Таъкид гардид, ки бо шарофати сиёсати хирадмандона ва иродаи олии сиёсии роҳбарони ҳарду давлат —Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин Си Ҷинпин ҳамкории стратегии мамлакатҳои мо ба сатҳи сифатан баланд расида, сол то сол густариш меёбад.

Аз ҷараёни баргузории Форуми мазкур тафсилоти бештар манзур мешавад.

Хадамоти матбуоти
Раиси вилояти Суғд

Чорабинӣ

    Дар деҳоти Унҷии ноҳияи Бобоҷон Ғафуров тибқи ҷадвали тасдиқгардидаи Раиси Шӯрои Ҳаракати ваҳдати миллӣ ва эҳёи Тоҷикистон дар вилояти Суғд Корвони Ваҳдат дар Шоҳроҳи Ваҳдат таҳти унвони «Ваҳдати халқи ҷаҳонро гум макун» ба ифтихори 27-умин солгарди Рӯзи Ваҳдати миллӣ бо иштироки фаъолони Шӯрои Ҳаракат дар вилоят ва ноҳия Замира Мансурӣ, Қурбонҷон Мирзоева, Адибаи Хуҷандӣ, Амир Анварзода, Парвиз Халифаёр ва Сайёра Акбархоҷаева ташкилу баргузор карда шуд.

Омӯзиш

      Дар асоси нақшаи чорабиниҳои асосӣ оид ба масъалаҳои мудофиаи гражданӣ, пешгирӣ, эътино ва рафъи ҳолатҳои фавқулодда барои соли 2024, ки аз ҷониби Сардори мудофиаи гражданӣ - Раиси Ҳукумати Ҷумҳурии Тоҷикистон муҳтарам Эмомалӣ Раҳмон аз 17 январи соли 2024 тасдиқ шудааст, чанде қабл дар ноҳияи Бобоҷон Ғафуров машқи мукаммали мудофиаи гаржданӣ дар мавзӯи «Амали ҳайати роҳбарикунанда, қувва ва воситаҳои ноҳия ҳангоми ба амал омадани ҳолатҳои фавқулодда» баргузор гардид.

Чорабинии омӯзишӣ якҷо бо намояндагони Кумитаи ҳолатҳои фавқулоддда ва мудофиаи граждании назди Ҳукумати Ҷумҳурии Тоҷикистон ва роҳбарияти Мақомоти иҷроияи ҳокимияти давлатии ноҳия ташкил ва гузаронида шуд.

Дар доираи машқ дар шаҳраки Сайҳуни ҷамоати деҳоти Дадобой Холматов тоза кардани селроҳа ва барқарор намудани садди роҳи муҳофизатӣ дар ҳаҷми зиёда аз 4000м3 гузаронида шуд. Инчунин амали қувва ва воситаҳо ҷиҳати иҷрои вазифаҳои худ дар самти ҳифзи аҳолӣ аз ҳолати фавқулодда дар маҳаллаи “Ваҳдат”- и ҷамоати шаҳраки Ғафуров бо иштироки сершумори сокинони маҳал доир карда шуд

 Дафтари матбуот ва иттилооти Мақомоти иҷроияи ҳокимияти давлатии ноҳияи Б.Ғафуров