Дар деҳаи Навободи ҷамоати деҳоти Ёваи ноҳияи Бобоҷон Ғафуров бо иштироки Раиси вилояти Суғд Раҷаббой Аҳмадзода бинои нави Муассисаи таҳсилоти миёнаи умумии №22 мавриди истифода қарор дода шуд.

Ҳамдиёрони азиз!

Бо шарофати Истиқлоли давлатии Ҷумҳурии Тоҷикистон мо имкон пайдо кардем, ки ҷашну суннатҳои мардумӣ ва мазҳабии худро озодона таҷлил намоем. Моҳи шарифи Рамазон – моҳи саршори имон ва меҳр, хайру сахо ва мағфирати гуноҳҳо ба охир расид. Тамоми мардуми ноҳия ва кулли ҳамватанонамонро ба муносибати иди саиди Фитр самимона муборакбод намуда, ҳар яки Шумо ва хонадонатон сиҳатмандиву осоиш, хушбахтиву баракоти рӯзгор, имону инсоф ва комёбиҳо таманно менамоям.

1 апрел Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маркази деҳоти Овчиқалъачаи ноҳияи Бобоҷон Ғафурови вилояти Суғд коргоҳҳои дӯзандагӣ, қолинбофӣ ва коргоҳи коркарди меваро мавриди истифодабарӣ қарор доданд.

Дар доираи тадбирҳои ободонӣ бо дастгирӣ ва таваҷҷуҳи ҳамешагии Сарвари давлат муҳтарам Эмомалӣ Раҳмон деҳоти Овчиқалъачаи ноҳияи Бобоҷон Ғафуров дар як муддати кутоҳ бо бунёди иншооти муҳими иҷтимоӣ ва коргоҳҳои хурди истеҳсолӣ ободу зебо ва сатҳи зиндагии сокинонаш боз ҳам беҳтару хубтар гардонида шуд. 

Бо ифтитоҳи коргоҳи дӯзандагӣ ва маркази истеҳсолию омӯзишии қолинҳои дастӣ дар деҳоти Овчиқалъача 40 нафар занону духтарони хонашин бо ҷойи кор ва маоши хуб таъмин гардиданд.

Иншоот ба истиқболи ҷашни 35 солагии Истиқлоли давлатӣ бо саҳми соҳибкори ватанӣ Мадина Каримова бунёд шуда, аз ду ошёна ибора мебошад.

Дар ошёнаи якуми бинои иншоот коргоҳ ва маркази омӯзишию истеҳсоли қолинҳои дастӣ ва попуридӯзӣ бо таъсиси 16 ҷойи корӣ ва дар ошёнаи дуюм бошад, коргоҳи дӯзандагӣ бо таъсиси 24 ҷойи корӣ пешбинӣ шудааст.

Барои мутобиқсозии сифати маҳсулот ва таъмини пурраи хонандагон бо сарулибоси мактабӣ, корию ҳарбӣ, варзишӣ ва духти либоси миллию аврупоӣ дасгоҳу таҷҳизоти муосир аз хориҷи мамлакат ворид ва насб карда шудааст, ки коргарон бо истифода аз чунин шароити мавҷуда сарулибоси корию мактабиро бо нақшу нигори миллӣ ва тарҳи муосир омода ва пешниҳод месозанд. Корхонаи дӯзандагии Ёсуман иқтидор дорад, ки дар як сол беш аз 10 ҳазор дона маҳсулоти дӯзандагиро истеҳсол намояд. 

Сарвари давлат муҳтарам Эмомалӣ Раҳмон зимни боздид аз шароити кории иншоот иқдоми соҳибкори ватаниро ҷиҳати бунёди чунин коргоҳи замонавӣ шоистаи таҳсин хонда, ба масъулон дастур доданд, ки барои бо шуғли доимӣ таъмин намудани занону духтарони деҳаҳои дурдаст чунин коргоҳҳои истеҳсолӣ минбаъд низ бунёд карда шавад. Дар ин ҷо ҳамзамон бо ҷалби мутахассисон нозукиҳои ҳунари қолинбофӣ ва попурдӯзӣ ба занону духтарони деҳоти Овчиқалъача омӯзонида мешавад. Омӯзиши ҳунари дастӣ заҳматталаб бошад ҳам, вале он манфиатовар ва дар бозорҳои дохилию хориҷӣ харидорони зиёд дорад.  Бо дарназардошти ин коргарон баробари аз худ кардани ин ҳунари қадима дар ин коргоҳ ҳамзамон метавонанд ҳунари қолинбофии дастиро дар хона низ идома диҳанд.

Дар ин рӯз ҳамзамон дар маркази деҳоти Овчиқалъача бо иштироки Президенти Ҷумҳурии Тоҷикистон муҳтарам Эмомалӣ Раҳмон коргоҳи коркарди мева ифтитоҳ гардид.  Шуғли асосии аҳолии деҳоти Овчиқалъачаи ноҳияи Бобоҷон Ғафуров кишоварзӣ буда, сокинонаш бо истифода аз шароити фароҳамгардида заминҳои корами обию лалмиро самаранок истифода мебаранд ва дар бунёди боғу токзорҳои нав низ таҷрибаи бой доранд.

Дар навбати аввал дар ин ҷо ду намуд маҳсулот, аз ҷумла тамашк дар шакли муррабо ва хуч дар шакли нушоба истеҳсол мегардад.

Иншоот дар доираи фазои мусоиди соҳибкорию сармоягузорӣ бо ҷалби соҳибкори ватанӣ Шавкат Қаюмов бунёд гардида 10 нафар сокини маҳаллӣ бо ҷойи кор ва маоши хуб таъмин шуданд. Коргоҳи мазкур бо дастгоҳу таҷҳизоти замонавӣ муҷаҳҳаз гардонида шуда, иқтидори истеҳсолии он дар як моҳ 10 ҳазор қутии шартӣ нӯшобаи хуч ва 500 қутии шартӣ мураббо аз маҳсулоти тамашк мебошад.

Дар оянда бо фаро расидани мавсими ҷамъоварии ҳосили қулфинай коркард ва басту банди он дар коргоҳи мазкур ба роҳ монда мешавад.   

Президенти мамлакат зимни боздид аз раванди фаъолияти хатҳои нави технологӣ ва намунаи маҳсулоти саноатӣ таъкид доштанд, ки бо назардошти мавҷудияти ашёи хом бунёди чунин коргоҳу корхонаҳои истеҳсолӣ сатҳи воридоти ин намуди маҳсулоти тайёрро аз хориҷи мамлакат коҳиш дода барои беҳтар гардидани сатҳи зиндагии мардум мусоидат менамояд.

.

Баъди ба истифода додани майдони Парчами давлатии Ҷумҳурии Тоҷикистон Асосгузори суҳлу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои бахши милитсияи шаҳраки Овчиқалъачаи Шуъбаи-2-и Вазорати корҳои дохилии Ҷумҳурии Тоҷикистон дар ноҳияи Бобоҷон Ғафуровро ба истифода доданд.