ДУШАНБЕ, 09.08.2022 /АМИТ «Ховар»/. 9 август дар доираи сафари кории худ ба вилояти Суғд Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Бобоҷон Ғафуров Корхонаи истеҳсоли халтаҳои полипропиленӣ ва полиэтилении Ҷамъияти дорои масъулияти маҳдуди “Ориён Пак”-ро мавриди истифода қарор доданд.

Раиси вилояти Суғд Раҷаббой Аҳмадзода бо сохтмонии Боғи фарҳангию фароғатие, ки дар назди Қасри Арбоб бунёд шуда истодааст, шинос гардид.

Дар деҳоти ба номи Ҳайдар Усмонов Конференсияи ХХХIII ҳисоботӣ-интихоботии КИ ҲХДТ дар ноҳияи Бобоҷон Ғафуров бо иштироки вакилон, собиқадорон, фаъолони ҳизб ва аъзои фаъоли ТҶҶ “Созандагони Ватан”-и назди Кумитаи иҷроияи ноҳиявии ҳизб баргузор гардид. 

Дар Конференсия, ҳамчунин, муовини Раиси ҲХДТ Асрор Латифзода, раиси КИ ҲХДТ дар вилояти Суғд Зуфар Исмоилзода, вакили Маҷлиси намояндагони Маҷлиси Олии Ҷумҳурии Тоҷикистон  Мавлудахон Мирзозода, муовини якуми раиси ноҳияи Бобоҷон Ғафуров  Фаррух Орифӣ, раиси КИ ҲХДТ дар ноҳияи Бобоҷон Ғафуров  Амирҷон Анварзода иштирок доштанд.

р Дар доираи таҷлили сазовори чорабиниҳои идона бахшида ба 30 – солагии Иҷлосияи 16 – уми Шӯрои  Олии Ҷумҳурии  Тоҷикистон  бо мақсади татбиқи амалии сиёсати ободкоронаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шафати муассисаи таҳсилоти миёнаи умумии №24-и Ҷамоати деҳоти Ҳайдар Усмонов бо ибтикори соҳибкори маҳаллӣ Абдурасул Абдуллоев майдончаи варзишӣ бо тарҳи замонави баъди азнавсозӣ мавриди баҳрабардорӣ қарор дода шуд.