Ҳамдиёрони  азиз! 

Имрўзҳо  дар  саросари  кишвари  мо  бо  фаро  расидани  фасли  гулу  эҳёи  табиат  соли  нави  аҷдодии  миллати  куҳанбунёди  тоҷик  -  Наврўзи  Аҷам  таҷлил  мегардад.

Кулли  сокинони  ноҳияи  Бобоҷон  Ғафуров  ва тамоми ҳамдиёрони азизамонро  бо  фарорасии  иди  бостонии  Наврўз,  ки  воқеан  соли  нави  мардуми  мо  мебошад,  самимона  табрик  гуфта,  хуррамиву  сарсабзии  наврўзӣ,  баҳори  неку  файзбор,  тандурустиву  саодати  рўзгор  ва  муваффақияту  комёбиҳо  орзу  менамоям.

Дар толори калони Мақомоти иҷроияи ҳокимияти давлатии ноҳияи Бобоҷон Ғафуров бо садо додани Суруди миллӣ ва иштироки иҷрокунандаи вазифаи Раиси ноҳияи Бобоҷон Ғафуров Нусратулло Салимзода, вакилони Маҷлиси вакилони халқи ноҳияи Бобоҷон Ғафуров, муовини якум, муовинони Раиси ноҳия, роҳбари дастгоҳи Раиси ноҳия, роҳбарони воҳидҳои сохтории Мақомоти иҷроияи ҳокимияти давлатии ноҳия, мақомоти ҳифзи ҳуқуқ, ташкилоту муассисаҳои ноҳиявӣ ва дигар масъулони дахлдор Иҷлосияи чордаҳуми Маҷлиси вакилони халқи ноҳияи Бобоҷон Ғафуров, даъвати шашум баргузор гардид.

Дар кори иҷлосия намояндаи Мақомоти иҷроияи ҳокимияти давлатии вилояти Суғд Хол Ҳайдар, муовини якуми Раиси вилояти Суғд иштирок намуд.

Фирдавс Абдуллозода, муовини Раиси ноҳияи Бобоҷон Ғафуров кори иҷлосияро ҳусни оғоз бахшида, вакилонро бо рӯзномаи маҷлис, ки аз масъалаҳои «дар бораи эътироф намудани ваколати вакилии вакили Маҷлиси вакилони халқи ноҳия аз ҳавзаи интихоботии «Сомғор№38» Олимҷон Одилов ба ҷойи вакили хориҷшуда», «оид ба рафти амалишавии қарори Ҳукумати Ҷумҳурии Тоҷикистон аз 27 майи соли 2020, №293 «Оид ба барномаи саноатикунонии босуръати Ҷумҳурии Тоҷикистон барои солҳои 2020 - 2025» дар ноҳия», «Оид ба нақшаи минбаъдаи рушди соҳаи чорводорӣ дар ноҳияи Бобоҷон Ғафуров», «ҳисоботи вакили Маҷлиси вакилони халқи ноҳия аз ҳавзаи интихоботии «Дилкушо№10» Муродҷон Ҷӯразода оид ба рафти иҷрои ваколати вакилӣ», «дар бораи пеш аз муҳлат қатъ намудани ваколати вакилии вакилони Маҷлиси вакилони халқи ноҳия аз ҳавзаҳои интихоботии «Ваҳдат»№1, «Сафедтеппа№18, Шейхбурҳон№26», «дар бораи таъин намудани интихобот ба ивази вакилони хориҷшудаи Маҷлиси вакилони халқи ноҳия», «дар бораи ташкили комиссияи ноҳиявии интихобот ба ивази вакилони хориҷшудаи Маҷлиси вакилони халқи ноҳия, даъвати шашум», «тасдиқи қарорҳои раиси ноҳия» иборат буд, шинос кард.

Сипас аз рӯи масъалаи якуми рӯзнома Насим Муродов, раиси комиссияи ноҳиявии интихобот ба ивази вакилони хориҷшудаи Маҷлиси вакилони халқи ноҳия аз хулосаи баргузории интихобот ҳисобот дод. Дар идома вакили тозаинтихоби Маҷлиси вакилони халқи ноҳия аз ҳавзаи интихоботии «Сомғор№38» Олимҷон Одилов дар назди вакилон савганди вакилӣ ёд кард.

Роҷеъ ба масъалаи рафти амалишавии қарори Ҳукумати Ҷумҳурии Тоҷикистон аз 27 майи соли 2020, №293 «Оид ба барномаи саноатикунонии босуръати Ҷумҳурии Тоҷикистон барои солҳои 2020 - 2025» дар ноҳия, Фирдавс Абдуллозода гузориш дода, афзуд ки амалишавии қарори мазкур таҳти назорати доимии Маҷлиси вакилони халқи ноҳияи Бобоҷон Ғафуров қарор дорад. Масъалаи саноатикунонии босуръати кишвар ҳадафи чоруми миллӣ маҳсуб меёбад. Бесабаб нест, ки Асосгузори сулҳу ваҳдати миллӣ – Пешвои миллат, Президенти Ҷумҳҳурии Тоҷикистон муҳтарам Эмомалӣ Раҳмон дар Паёми худ ба Маҷлиси Олии Ҷумҳурии Тоҷикистон, ки санаи 26 декабри соли 2021 баргузор гардид, 5 соли ояндаро солҳои саноатикунонии кишвар номбар намуданд. Дар ин раванд то имрӯз дар ноҳия 62 корхонаҳои хурду миёна ба фаъолият шуруъ намуда, аз минтақаи кишоварзӣ ба минтақаи саноатииву кишоварзӣ заминагузории ноҳия, мусоидат намуданд ва ин то охири анҷомёбии барнома ба 100 адад расонида хоҳад шуд. Айни ҳол да ноҳия роҳҳои барқарор намудани корхонаҳои аз фаъолият бозмонда, дар ҳамбастагӣ бо сохторҳои масъули ноҳия ҷиҳати саривақт ҷудо намудани қитъаҳои замин барои бунёди коргоҳҳои саноатӣ, истифодаи самарноки иқтидорҳои мавҷуда, ҷалби сармоягузории дохиливу хориҷӣ ва дигар масъалаҳои марбут ба соҳа, тадбирҳо андешида шуда истодаанд.

Аз рӯи дигар масъалаҳои дар рӯзномаи иҷлосияи Маҷлиси вакилони халқи ноҳияи Бобоҷон Ғафуров (даъвати шашум) буда, масъулон ва музокирачиён андешаҳои худро баён намуданд.

Бо назардошти баррасии масъалаҳо ва пешниҳоду тавсияҳо вакилон қарорҳои дахлдор қабул намуданд.

Дар интиҳо Хол Ҳайдар – муовини якуми Раиси вилояти Суғд, и.в.Раиси ноҳияи Бобоҷон Ғафуров Салимзода Нусратулло баҳри пешрафти ҳаёти иқтисодиву иҷтимоии ноҳия маслиҳатҳои судманд баён доштанд. Гуфта шуд, ки вакилон ташаббускору ташкилотчӣ бошанд, ба хотири ободии Ватан, рушди давлат аҳлона заҳмат кашида, дар амалишавии нақшаҳои пешбинашуда бо диду назари тоза, андешаҳои солим, бо амри дилу виҷдон дар ҳавзаҳои интихоботии худ саҳми содиқонаву ватандўстона гузоранд.

Дафтари матбуот ва иттилооти Мақомоти иҷроияи ҳокимияти давлатии ноҳияи Бобоҷон Ғафуров

Ба ифтихори Рӯзи матбуоти тоҷик Дилором Турсунзода, муовини раиси ноҳияи Бобоҷон Ғафуров, собиқадорони соҳаи матбуот, ифтихори аҳли диёри «Парвозгоҳи бузургон» рӯзноманигорони номвар: Усмонҷон Ғаффоров, Аюби Кенҷа, Мазбутҷон Воҳидовро аёдат намуда, номаи муборакбодии и.в Раиси ноҳияи Бобоҷон Ғафуров Салимзода Нусратуллоро ба муносибати Рӯзи матбуоти тоҷик расонид.

Ба ифтихори Рӯзи матбуоти тоҷик дар толори КИ ҲХДТ дар ноҳияи Бобоҷон Ғафуров бо иштироки кормандони воситаҳои ахбори омма чорабинии идона баргузор гардид. Муовини Раиси роҳия Дилором Турсунзода аз нақшу мақоми матбуот ва дигар воситаҳои ахбори омма дар даврони соҳибистиқлолии кишвар, махсусан таваҷҷӯҳи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ин дастгоҳи тавонои пешбарандаи ҷомеа ибрози назар намуда, аз таърихи таъсисёбии рӯзномаи сирф тоҷикӣ "Бухорои шариф" ёдоварӣ намуд. Гуфта шуд, ки 111 сол муқаддам таъсисёбии рӯзномаи "Бухорои шариф" ба рушди журналистикаи тоҷик асос гузошта, дар такомулу таҳаввулоти воситаҳои ахбори оммаи ватанӣ нақши барҷаста гузоштааст. Дар даврони шӯравӣ матбуот ва телевизиони тоҷикӣ ба ҳаёти маънавии мардум ворид гардид, аммо рушду камолоти ин соҳа дар даврони соҳибистиқлолии кишвар фароҳам омад, ки комилан айёми камолоти ин соҳаи ҳаётан муҳим дониста мешавад. Имрӯз матбуот ва дигар воситаҳои ахбори омма дар ташаккули афкори омма нақши муқтадир дорад ва мардум ба сухани чопӣ эътимоду боварӣ доранд.