20 июл натиҷаҳои имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ тариқи смс — паёмак эълон гардид. Дар ин хусус дар Маркази миллии тестии назди Президенти Ҷумҳурии Тоҷикистон иттилоъ доданд.

Тавре қаблан иттилоъ додем, аз 1 то 8 июл даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ – қисмҳои А (имтиҳон дар заминаи таҳсилоти умумӣ) ва Б (имтиҳон дар заминаи таҳсилоти умумии асосӣ) барои довталабони дар марҳалаи асосии бақайдгирӣ, ки аз 1 март то 2 май номнависшуда буданд, доир гардид.

Аз ҷониби Маркази миллии тестӣ барои баргузории даври асосии имтиҳонҳо 45 муассисаи таълимии таҳсилоти миёнаи умумии 20 шаҳру ноҳияи ҷумҳурӣ (Исмоили Сомонӣ, Сино, Фирдавсӣ, Шоҳмансур, Рашт, Хуҷанд, Истаравшан, Исфара, Конибодом, Панҷакент, Бобоҷон Ғафуров, Бохтар, Кӯлоб, Восеъ, Данғара, Ёвон, Кӯшониён, Ҷалолиддини Балхӣ, Шаҳритус ва Хоруғ) марказҳои имтиҳонӣ ташкил карда шудаанд, ки дар онҳо беш аз 1150 синфхона барои баргузории имтиҳонҳо омода карда шудаанд.

Иттилоъ дода шуд, ки соли равон дар давраи асосии бақайдгирӣ 95 ҳазору 276 довталаб, ки аз онҳо 78 ҳазору 222 нафар довталаби дорои таҳсилоти миёнаи умумӣ (синфи 11-ум), ибтидоӣ ва миёнаи касбӣ ва 17 ҳазору 54 нафари дигар довталаби дорои таҳсилоти умумии асосӣ (синфи 9-ум) мебошанд, номнавис карда шудаанд.

Ёдовар мешавем, ки мувофиқи тартиби муқарраркардаи Ҳукумати Ҷумҳурии Тоҷикистон ба ҳар довталаб ҳуқуқи додани аризаи апеллятсионӣ дар бораи норозӣ будан аз холҳои ба имтиҳони ӯ гузошташуда дода шудааст. Маълумоти муфассалро аз сомонаи Маркази миллии тестӣ дастрас кардан мумкин аст.

АМИТ «Ховар»

Ваҳдат, сулҳ ва ягонагӣ. Ин калимаҳо барои кулли мардуми тоҷик азизу муқаддасанд. Маънии калимаи ваҳдатро Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон хеле хуб шарҳ додаанд:

 “Ваҳдат барои мо як вожа ва калимаи одӣ нест, балки номаи тақдири мо, шарти пешрафти кишварамон ба сӯи ояндаи ободу  осуда ва муҳимтар аз ҳама, кафили  сарҷамъию хушбахтии имрӯзу ояндаи халқамон аст.” Аз ин рӯ, ин мафҳуми муқаддас миёни мафҳумҳои барои мо пурарзиш, чун сулҳу амният, маърифату фарҳанг, ватандориву ватандӯстӣ, андешаву шуур ва ҳувияти миллӣ ҷойи махсуси худро дорост. Ваҳдат сароғози ҳамаи комёбиҳо, созандагию ободкориҳо, ибтидои  суботи сиёсиву иҷтимоӣ ва некуаҳволии ҷомеаи навин, ҳамчунин, худогоҳиву худшиносӣ баҳри миллати мо маҳсуб меёбад.

Ваҳдати миллӣ буд, ки кишвари тозаистиқлоли моро аз вартаи нобудшавӣ наҷот бахшид ва дар пойдории халқу кишвари мо нақши мондагор гузошт. Маҳз андешаҳои миллӣ, миллати моро аз имтиҳони таърих сарбаландона раҳоӣ бахшида ба соҳили умеду орзуҳо расонид. 

Ваҳдати миллӣ пояндаву устувор ва халалнопазир буда, ҳеҷ неруе наметавонад, онро халалдор созад. Мо бояд ҳамдилу ҳамфикр бошему барои ободию осудагии Ватани маҳбубамон якҷоя саъю талош варзем.   

 Мавлуда МАВЛОНОВА, омӯзгори МТМУ №15

Созишномаи умумии истиқрори сулҳ ва ризоияти миллӣ, ки 27 сол муқаддам бо кӯшишу талошҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баъд аз музокироти тӯлонӣ ба хотири ҳифзи якпорчагии марзу буми Ватан, таъмини сулҳу субот ба имзо расида буд, ҳамчун санади сарнавиштсозу саодатбахши миллӣ мақоми хосса  пайдо намудааст.  

Дар муассисаи таҳсилоти миёнаи умумии №11-и ҷамоати деҳоти Ғозиён бо иштироки омӯзгорону хонандагон ва волидайн мулоқот баргузор гардид. Директори таълимгоҳ Башорат Неъматова ба чорабинӣ ҳусни оғоз бахшида, ҳамзамон қайд кард, ки 14-уми сентябри соли 2022 Суди Олии Россия маҳз ба хотири пешгирӣ аз терроризм ва таъмини амнияти шаҳрвандони кишвар иқдоми одилона ва саривақтӣ гирифта, фаъолияти Ҳизби наҳзати исломро дар қаламрави ин кишвар манъ кард. Баъдан омӯзгори фанни забон ва адабиёти тоxик Шафоат Алибоева дар мавзӯи "ТТЭ ҲНИ дар Федератсияи Россия ташкилоти террористӣ эътироф шуд" баромад намуд.