Мақомоти иҷроияи ҳокимияти давлатии ноҳияи Бобоҷон Ғафуров

Таҷлили Рӯзи варзишгарон

Бахшида ба Рӯзи варзишгарон дар ноҳияи Бобоҷон Ғафуров бо иштироки варзишгарон, мураббиён ва собиқадорони соҳаи варзиши ноҳия ҷамъомади хотирмон ташкилу баргузор карда шуд.

Дар ноҳияи Бобоҷон Ғафуров ҷиҳати иҷрои дастуру супоришҳои кумитаи кор бо ҷавонон ва варзиши назди Ҳукумати Ҷумҳурии Тоҷикистон барои оммавигардонии варзиш ва ҷалби бештари ҷавонону наврасон аз ҷумла сокинони маҳаллӣ, ба тамрини доимӣ фаро гирифтани ҷавонон ва наврасон тадбирҳои саривақтӣ андешида мешаванд. 

Дирӯз дар деҳаи Чорсуи Ҷамоати деҳоти ­Ғозиёни ноҳияи Бобоҷон Ғафуров таҷҳизотҳои варзишӣ ба монанди турник ва брус аз ҷониби чавонони фаъоли ин деҳа сохта ба истифода дода шуд. Бахши кор бо ҷавонон ва варзиши ноҳия минбаъд низ баҳри оммавияти варзиш кӯшиш намуда, ҷавонону наврасонро ба ташаккули тарзи ҳаёти солим раҳнамун месозад.

Дафтари матбуот ва иттилооти Мақомоти иҷроияи ҳокимияти ноҳияи Бобоҷон Ғафуров

    Дар доираи Нақшаи чорабиниҳои Мақомоти иҷроияи ҳокимияти давлатии ноҳияи Бобоҷон Ғафуров дар ҳамкорӣ бо Кумитаи кор бо занон ва оилаи назди Ҳукумати Ҷумҳурии Тоҷикистон мусобиқаи варзишии шашка ва шоҳмот аз рӯи усули «Деҳа ба деҳа» ва «Маҳал ба маҳал» байни занону бонувон ва сокинони Ҷамоати деҳоти Овчиқалъача баргузор гардид.

Дар мусобиқаи мазкур 26 нафар занон, аз ҷумла ҷавондухтарон ва бонувон ҷалб гардида, зиёда аз 30 нафар сокинони маҳаллӣ иштирокчиёни деҳаҳои худро мухлисӣ намуданд.

Дафтари матбуот ва иттилооти Мақомоти иҷроияи ҳокимияти давлатии ноҳияи Б.Ғафуров

Дар мусобиқаи кушоди ноҳияи Спитамен варзишгарони Муассисаи давлатии мактаби варзишии№2 аз рӯи намуди баскетбол бо роҳбарии З.Тоҳиров иштирок намуда, сазовори мақоми аввал гардиданд.

Дар мусобиқаи мазкур 6 даста аз ноҳияҳои Ҷаббор Расулов, Зафаробод, Спитамен, шаҳрҳои  Хуҷанду Истаравшани вилояти Суғд бо ҳам сабқат намуданд. Дар бозӣ бозингарони ноҳия ҷойи якум ва бозингарони ноҳияҳои Спитамену шаҳри Хуҷанд мақоми дуюму сеюмро соҳиб шуданд.